.:: İstanbul Kadı Sicilleri ::.


Galata Mahkemesi 20 Numaralı Sicil (H. 1005 - 1007 / M. 1596 - 1599)
cilt: 35, sayfa: 275
Hüküm no: 345
Orijinal metin no: [50b-1, Arapça]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Âişe Hatun’un Mahmud Halife’de ödünçten alacağı olduğu

Udûlden Mahmud Halîfe b. Muharrem ve Mehmed Bey b. Abdullah nâm kimesneler meclis-i şer‘-i şerîf ve mahfil-i dîn-i münîfe hâzırân olup, hâric-i mahmiye-i Galata mahallâtından Muhyiddin Efendi mahallesinde bundan akdem vefât eden merhûm Mahmud Halîfe b. Şehsüvar’ın zevcesi ve Osman, Ali ve Âişe ve Rahime nâm evlâd-ı sıgārının kıbel-i şer‘den mansûbe vasîsi olan Mihman Hâtun bt. Sefer mahzarında ve merhûm-ı mezbûrun Mustafa nâm oğlu ve vârisi mahzarında, hâmiletü hâze’l-kitâb Âişe Hâtun bt. ( )’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki müdde‘iye-i mezbûrenin, müteveffâ-yı merkūmun zimmetinde karz-ı şer‘î cihetinden lâzımü’l-edâ ve vâcibü’l-kazâ râyicü’l-vakt sekiz yüz akçe hakkı vardır. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmağın hâkim-i askerî, şehâdetleri mûcebince meblağ-ı mersûmun müteveffâ-yı merhûmun muhallefâtından müdde‘iye-i merkūmeye ödenmesine hükm etti. Cerâ zâlike ve hurrire fî evâsıtı şehri Ramazâni’l-mübârek sene sitte ve elf.


Şuhûdü’l-hâl: Ömer Çavuş b. Süleyman ve Hüseyin Çelebi b. Muharrem ve İbrahim Çelebi b. Hasan ve Yunus Bey b. Abdullah ve Şükür b. Ramazan ve gayruhüm