Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 314 Hüküm no: 408 Orijinal metin no: [59a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. El-Hâc Mehmed’in Hasan Reis’te ödünçten alacağı olduğu El-Hâc Rıdvan Bey b. Abdullah ve el-Hâc Memi b. Abdullah nâm kimesneler meclis-i şer‘-i şerîf ve mahfil-i dîn-i münîfe hâzırân olup, hâl-i hayâtında kazâ-i mahrûse-i Galata tevâbi‘inden Beşiktaş mahallâtından Sinan Paşa mahallesinde sâkin iken bundan akdem kendi sefînesinde katl olunan Hasan Reis’in Belkıs nâm sagīre kızına kıbel-i şer‘den mansûb vasî olan Bâli Çavuş b. Hüseyin nâm kimesne mahzarında, hâmil-i hâze’l-kitâb el-Hâc Mehmed b. Ahmed’den sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki müdde‘î-i mezbûrun, maktûl-i mezkûrun zimmetinde karz-ı şer‘î cihetinden lâzımü’l-edâ ve vâcibü’l-kazâ râyicü’l-vakt seksen altın hakkı vardır. Müdde‘î-i merkūm, meblağ-ı mezbûru maktûl-i mezkûrdan veya vekîlinden kısmen veya tamâmen almadığına ve bi vechin mine’l-vücûh zimmetini ibrâ etmediğine dâir yemîn ettiğinde ve şâhidlerin şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olduğunda şehâdetleri mûcebince hükm edildi. Cerâ zâlike ve hurrire fî evâili şehri Zilka‘de sene sitte ve elf. Şuhûd: Es-Sâbikūn