Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 57 Hüküm no: 11 Orijinal metin no: [3a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şâkire bt. Abdullah’ı boşamış olan Mustafa’nın mehir ve nafakayı ödediği Mahmiye-i İstanbul’da Elvanzâde Mahallesi’nde sâkine Şâkire bt. Abdullah nâm hatun mahfil-i kazâda zevc-i mutallıkı işbu bâ‘isü’l-kitâb Mustafa b. Şa‘ban nâm kimesne muvâcehesinde ikrâr-ı tâm ve takrîr-i kelâm edip mezbûr Mustafa bundan akdem beni talâk-ı bâin ile tatlîk eyleyip zimmetinde mütekarrer olan iki yüz akçe mehr-i müeccelimi ve nafaka-i iddet-i ma‘lûmemi bi’t-tamam ahz u istîfâ eyledim, ba‘de’l-yevm husûs-ı mezbûra müte‘allika da‘vâ ve nizâ‘ım kalmadı dedikde gıbbe’t-tasdîk mâ-vaka‘a kayd şüd. Fi’l-yevmi’s-sâlis aşer min-şehri Receb li-sene selâse ve sittin ve elf. Şuhûdü’l-hâl: (...), Mehmed b. Selim, Ramazan b. İbrahim, Rıdvan b. Abdullah.