Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 334 Hüküm no: 432 Orijinal metin no: [63b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa Çelebi’nin miras ihtilafında Emine bt. Mehmed ile sulh olduğu Kasaba-i Beşiktaş mahallâtından Hayreddin Paşa mahallesinde sâkine iken fevt olan Emine bt. Mehmed nâm hâtunun zevci ve vârisi olan Mustafa Çelebi b. Hüseyin mahfil-i kazâda müteveffât-ı mezbûrenin vâlidesi Sâliha bt. İskender mahzarında takrîr-i da‘vâ edip mezbûre zevcemin zamân-ı vefâtında ben gāibde olmağla cümle muhallefâtına vaz‘-ı yed eylemiş bi hasebi’ş-şer‘ bana âid olan nısf hissem ve mezbûre on beş bin akçe vasiyyeti vardır onu dahi mahalline sarf ederim dedikde mezbûre Sâliha fi’l-vâki‘ on beş bin akçe vasiyyet eylemeyip ve himâyeten muhallefâtına vaz‘-ı yed eylemiş idim lâkin mezbûr Mustafa ile galleden on iki bin akçeye sulh olup bedel-i sulhu dahi meclis-i sulhda kabz eyledi dedikde bi’t-taleb kayd olundu. Şuhûd: Murad Ağa Abdullah, Servan? Abdullah, Hüsrev Abdullah, Hüseyin Ahmed ve gayruhüm