Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 360 Hüküm no: 469 Orijinal metin no: [70b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Elçi Françesko Savarin’in Frenk asıllı câriyesini azat ettiği Hâlâ hâric-i Galata’da vâki‘ saray kurbunda sâkin Françesko Savarin nâm elçi tarafından i‘tâk-ı âti’z-zikri ikrâra vekâleti nehc-i şer‘î üzre hasm-ı şer‘î-i câhid mahzarında Mustafa b. Abdullah el-Hayyât ve Mehmed b. Şucâ‘ şehâdetleriyle sâbite olan Cafer b. Abdullah nâm Reis meclis-i şer‘-i şeref-(...?)de mezbûr Françesko’nun silk-i mülkünden münharita idiğine mu‘terife olan işbu hâmiletü hâze’l-kitâb sarışın orta boylu azı dişleri yok sağ pazusunda eser-i cerhi olan Efrenciyye Beroye v. Canbedid nâm memlûke câriyesini i‘tâk ve kayd-ı mülkünden ıtlâk edip mezbûre Beroye sâir harâir-i asliyyât gibi hürre olmuşdur dedikde mukırr-ı mezbûru ikrâr-ı meşrûhunda mezbûre Beroye vicâhen tasdîk mâ hüve’l-vâki‘ gıbbe’t-taleb ketb ve sebt olunup mezbûre yedine vaz‘ ve def‘ olundu ki vakt-i hâcetde ihticâc edine. Tahrîren fi’l-yevmi’s-sânî aşer min şehri Muharremi’l-harâm min şühûri sene seb‘a ve elf. Şuhûdü’l-hâl: Mustafa Çelebi b. Ali, İsmail b. Abdullah, Mustafa b. Abdullah er-Râcil, Hızır b. Ali ve gayruhüm mine’l-hâzırîn