Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 411 Hüküm no: 550 Orijinal metin no: [82a-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Cihan-efrâz bt. Abdullah’ın Çerkez asıllı câriyesini azat ettiği Zevcesi Cihan-efrâz bt. Abdullah kıbelinden âti’z-zikr âzâd ve tahrîr ikrârına vekâleti Ali b. Cafer ve Derviş b. Yunus’un şehâdetleri ile sâbit olan Mustafa Reis b. Sinan meclis-i şer‘-i şerîf ve mahfil-i dîn-i münîf el-masûn ani’t-tağyîr ve’t-tahrîfe hâzır olup müvekkile-i mezbûresinin orta boylu, açık kaşlı, kara gözlü, buğday tenli, Çerkeziyyetü’l-asl hâmiletü hâze’l-kitâb Gülşen bt. Abdullah nâm câriye-i memlûkesini hasbeten lillâhi’l-azîm ve taleben li merzâti rabbihi’l-kerîm âzâd ve tahrîr ettiğini bi’l-vekâle ikrâr eyledi. Câriye-i merkūme bu sûretle sâir harâir-i asliyyât-ı mükellefât gibi hürre oldu. Üzerinde mevâli için utekā üzerine lâzım olan hakk-ı velâdan gayrı bir şey kalmadı. Cerâ zâlike ve hurrire tahrîren fî evâsıtı şehri Rebî‘ilâhir sene seb‘a ve elf. Şuhûd: Ahmed Çavuş b. Hüseyin, Abdi Reis İbrahim, Halil b. Mehmed, Ali b. Cafer, Musli Reis b. Ali, Ali Çelebi b. Mehmed er-Reisü’s-sultânî ve gayruhüm