Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 424 Hüküm no: 566 Orijinal metin no: [85a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emine bt. Mustafa’nın miras hissesini aldığı (…) mahallesinde fevt olan Ümmi nâm hâtunun (…) [verese]lerinden olan Emine bt. Mustafa mahfil-i kazâda (…) mezbûre Emine’nin verâsetine mu‘terif olan (…) [mahza]rında ikrâr ve i‘tirâf edip merkūm Halil müteveffât-ı mezbûrenin cümle muhallefâtını (…) eyledik deyû taleb eylemiş idim el-hâletü hâzihî muhallefât-ı mezbûreden bi hasebi’ş-şer‘ (…) bana âid olan hissemden nakid sekiz bin akçe kabz eyleyip müteveffât-ı merkūmenin mahalle-i mezbûrede vâki‘ lede’l-ahâlî ma‘lûmü’l-hudûd olan menzilinde olan rub‘ hissemden (…) eğer menzil-i mezbûrdan ve eğer sâir muhallefâtından merkūm Halil’in zimmetinde bir akçe ve bir habbe hakkım yoktur husûs-ı mezbûra mü‘teallik olan da‘vâdan mezbûr Halil’in zimmetini ibrâ-i âm ile ibrâ eyledim dedikde mukırra-i mezbûrenin vech-i meşrûh üzre olan ikrârını mukarrun lehü’l-merkūm Halil bi’l-muvâcehe tasdîk eyledikden sonra mâ hüve’l-vâki‘ ketb ve tahrîr olunup yedine vaz‘olundu. Tahrîren fî evâhiri Rebî‘ilâhir sene seb‘a ve elf. Şuhûd: Süleyman Çelebi b. Habib, Abdi b. İbrahim, Mehmed b. Nasuh, Hüsrev b. Abdullah, Hüseyin b. Ali