Galata Mahkemesi 32 Numaralı Sicil (H. 1015 - 1016 / M. 1606 - 1607) cilt: 36, sayfa: 50 Hüküm no: 29 Orijinal metin no: [6a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ali b. Abdullah’ın techiz ve tekfini ve yemek verilmesi için on bin akçe vasiyet ettiği Ahmed Çelebi b. Ali ve Mercan b. Abdullah nâm kimesneler meclis-i şer‘de, Hazret-i Ebî Eyyûb-i Ensârî mahallâtından Câmi‘-i kebîr mahallesinde vefât eden merhûm Ali b. Abdullah’ın Mustafa, Sâliha, Mehmed ve Fâtıma nâm evlâd-ı sıgārına kıbel-i şer‘den mansûb vasî olan ve husûs-ı âti’l-beyânı münkir bulunan Mehmed b. Abdullah nâm kimesne mahzarında, merhûm-ı mezbûrun vasiyyetlerinin tenfîzi için seçdiği vasiyy-i muhtâr olan hâmil-i hâze’l-kitâb el-Hâc Ahmed b. Mehmed’den sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki, mezbûr Ali maraz-ı mevte yakalanıp başını yastığa koyduğunda mevtinden sonra sülüs-i mâlından râyicü’l-vakt on bin akçe-i Osmânî ayrılıp lehine şâhidlik yapılan müdde‘î-i mezbûr eliyle techîz ve tekfînine ve vefâtı ânındaki zarûri ihtiyâclara harcanmasını ve meblağ-ı mezbûr tükenene kadar eyyâm-ı mu‘tâdede can aşı verilmesini vasiyyet etti. Mezbûr el-Hâc Ahmed’i de bu vasiyyetinin tenfîzine vasiyy-i muhtâr kıldı. Şehâdetleri ba‘de şerâiti’l-kabûl inde’ş-şer‘ mu‘teber ve makbûl olmağın şehâdetleri mûcebince hükm olundu. Cerâ fi’t-târihi’l-mezbûr. Şuhûdü’l-hâl: Mustafa b. Musli el-İmâm, Ahmed b. Abdullah, Mehmed b. Abdullah, Ali Beşe b. Abdullah, Derviş b. Abdullah ve gayruhüm