Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 58 Hüküm no: 13 Orijinal metin no: [3b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. el-Hâc Ali’nin arsasının yarısını damadına sattığı Mahmiye-i İstanbul’da Kadırga limanı kurbünde Eminsinan Mahallesi’nde sâkin Ahmed b. el-Hâc Ali nâm kimesne mahfil-i şer‘-i şerîfde dâmâdı olan bâ‘isü’l-kitâb el-Hâc b. Abdullah muvâcehesinde bi’t-tav‘i’s-sâf ikrâr u i‘tirâf edip mahalle-i mezbûrede bir tarafdan evlâd-ı Arab’dan Şeyh Celal nâm kimesne mülkü, bir tarafdan Siyavuş Paşa sarayı duvarı, bir tarafdan Sahaf Mehmed Efendi mülkü ve bir tarafdan tarîk-i âm ile mahdûd ve mümtâz olup mukaddemâ vâki‘ olan harîkde muhterık olan mülk menziliminin arsasının nısf-ı şâyi‘ini yüz kıt‘a riyâl[î] guruşa bey‘-i bâtt-ı kat‘î ile mezbûr el-Hâc Mehmed’e bey‘ ve teslîm ol dahi iştirâ ve kabûl eyledikden sonra semen-i mebî‘-i mersûm yüz riyâl[î] guruşu mezbûrun yedinden tamamen ahz ve istîfâ eyledim, ba‘de’l-yevm arsa-yı mersûmenin nısfı dâmâdım mezbûr el-Hâc Mehmed’in mülk-i müşterâsıdır, hasbe-mâ yürîd mutasarrıf olsun dedikde mâ-vaka‘a kayd şüd. Fî-15 Receb sene 1063.