Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 58 Hüküm no: 14 Orijinal metin no: [3b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Mehmed ile Abdünnebi b. Yusuf’un muhalaa yoluyla boşandıkları Mahmiye-i İstanbul’da Seferikoz Mahallesi’nde sâkine Âişe bt. Mehmed nâm hatun makām-ı kazâda zevc-i mutallıkı işbu bâ‘isü’l-kitâb Abdünnebi b. Yusuf nâm kimesne muvâcehesinde ikrâr edip zevcim mezbûr Abdünnebi zimmetinde mütekarrer olan bin akçe mehr-i müeccel ve nafaka-i iddet ve meûnet-i süknâm üzerine, zevcim mezbûr ile muhâla‘a edip herbirimizin âhar ile zevciyete müte‘allika da‘vâ ve nizâ‘ımız kalmadı, ba‘de’l-yevm mazmûn-ı kitâba muhâlif da‘vâ sudûr ederse lede’l-hükkâmi’l-kirâm istimâ‘ olunmaya dedikde mezbûr Abdülgani dahi vech-i muharrer üzere zevcesi mezbûreyi hul‘ edip zevciyete müte‘allika da‘vâdan zimmetini ibrâ etmeğin mâ-vaka‘a bi’t-taleb ketb olundu. Fi’l-yevmi’s-sâbi‘ aşer min-şehri Recebi’l-mürecceb li-sene selâse ve sittin ve elf. Şuhûdü’l-hâl: Hüseyin Efendi b. Mehmed el-İmâm, Hızır Beşe b. Oruç, el-Hâc Ali Beşe [b.] İbrahim, Mehmed Beşe b. Fazlı.