Galata Mahkemesi 32 Numaralı Sicil (H. 1015 - 1016 / M. 1606 - 1607) cilt: 36, sayfa: 85 Hüküm no: 71 Orijinal metin no: [16b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Miras ihtilafıyla ilgili noksan hüccet İşbu sâhibü’l-kitâb Seyyid Mustafa b. Seyyid Hasan b. Seyyid Mehmed b. Seyyid Hüseyin nâm kimesne mahfil-i kazâda Mustafa b. Abdullah nâm kimesne mahzarında kendi tarafından asâleten ve li ebeveyn karındaşları Ömer ve Hüseyin ve Âişe nâm sagīrler taraflarından vesâyeten üzerine takrîr-i da‘vâ edip mahmiye-i Galata hâricinde kasaba-i Kasımpaşa mahallâtından el-Hâc A‘mâ mahallesinde vefât eden merhûme Kâmile bt. Abdullah nâm müteveffât mahmiye-i İstanbul’da vâki‘ el-Hâc Timurtaş mahallesinde vefât edip cedd-i sahîhi olan Seyyid Mehmed b. Hüseyin nâm müteveffânın ümm-i veledi olup ba‘de vefâtihâ merkūme-i mezbûre Kâmile hâl-i hayâtında âhiret oğlum ol deyip mahremine dahi almasıyla ba‘de vefâtihâ muhallefâtına bî-vech-i şer‘î vaz‘-ı yed ve kabz eylemişdir hâlâ muhallefât-ı müteveffât-ı mezbûre Kâmile’yi mezbûr Mustafa’dan asâleten ve vesâyeten taleb ederim suâl olunsun dedikde gıbbe’s-suâl mezbûr Mustafa fi’l-vâki‘ mezbûre Kâmile hâl-i hayâtında beni âhiret oğlum deyip mahremine aldıkdan sonra hâl-i hayâtında ba‘zı esbâbın bana hibe-i sahîha-i şer‘iyye ile hibe ve teslîm eyledi bâkī kalan muhallefât hâlen [17a] ( ) merhûm[e]-i mezbûreye hâl-i hayâtında tâm ve kâmil olarak edâ etti. Şehâdetleri ba‘de şerâiti’l-kabûl inde’ş-şer‘ mu‘teber ve makbûl olmağın mûcebince hükm edildi. Abd-i mezbûr bu sûretle sâir ahrâr-ı asliyyîn-i mükellefîn gibi hür oldu. Cerâ zâlike ve hurrire fi’l-yevmi’t-tâsi‘ min Zilka‘de sene hamse aşere ve elf. Şuhûdü’l-hâl: Pervâne b. Abdullah, Hızır b. Abdullah, Cafer b. Hüseyin, el-Hâc Hüseyin b. Abdullah, Hasan b. Abdullah, el-Hâc Yusuf b. Abdünnebi, Kābil b. Abdullah, Ferhad b. Abdullah, Mehmed b. Yusuf ve gayruhüm mine’l-hâzırîn