Galata Mahkemesi 32 Numaralı Sicil (H. 1015 - 1016 / M. 1606 - 1607) cilt: 36, sayfa: 111 Hüküm no: 105 Orijinal metin no: [27a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bâli b. Abdurrahman’dan intikal eden evdeki hisse satışı Bundan akdem vefât eden Bâli b. Abdurrahman nâm müteveffânın sulbiye kızı Âişe nâm hâtun meclis-i şer‘-i şerîfde hâmil-i hâze’l-kitâb Hüseyin b. İbrahim mahzarında ikrâr ve i‘tirâf edip mahmiye-i Galata müzâfâtından kasaba-i Kasımpaşa mahallâtından Hacı Hasan mahallesinde vâki‘ bir tarafdan Derviş Hüseyin b. Abdullah ve bir tarafdan haffâf Mehmed ve bir tarafdan Âişe hâtun mülkleri ile ve bir tarafdan tarîk-i âm ile mahdûd olup bi’r-i mâyı ve kenîfi ve eşcâr-ı müsmireyi müştemil muhavvatayı hâvî bir bâb fevkānî menzilden müteveffâ-yı mezbûr babamdan li eb ve üm karındaşım ve usûbet-i nesebiyye tarîki üzre vârisi olan Hüseyin’e alâ tarîki’l-münâsaha intikāl eden doksan altı sehimden yirmi sehim hisse-i şer‘iyyesini mezbûr Hüseyin’den bin iki yüz akçeye iştirâ etmiş idim hâlen zikr olunan sihâmdan merkūm Hüseyin’den iştirâ ettiğim yirmi yedi sehim hisseyi mezbûr Hasan’a bin iki yüz nakid akçeye bey‘-i sahîh-i şer‘î ile bey‘ edip kabz-ı semen ve teslîm-i mebî‘ edip mezkûr Hasan dahi kabz ve tesellüm edip meblağ-ı mezbûr bin iki yüz akçeyi mezbûr Hasan’a edâ ettiğim zamânda zikr olunan hisse yine benim olmak üzre şart eyledi dedikde mukırra-ı merkūme Âişe’nin minvâl-i meşrûh üzre sudûr ve zuhûr eden ikrârını mukarrun leh merkūm Hasan dahi bi’l-muvâcehe tasdîk ve bi’ş-şifâhe tahkīk etti ve mâ vaka‘a bi’t-taleb ketb olundu Şuhûdü’l-hâl: el-Mezbûrûn