Galata Mahkemesi 32 Numaralı Sicil (H. 1015 - 1016 / M. 1606 - 1607) cilt: 36, sayfa: 138 Hüküm no: 153 Orijinal metin no: [37a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Beytülmâlin, Mustafa adlı kimseden ödünç alacağını tahsil ettiği Mahmiye-i Galata ve havâss-ı Kostantıniyye’de emîn-i beytülmâl olan fahrü’l-ümenâ Mahmud Çavuş b. Ahmed nâm kimesne meclis-i kazâda kasaba-i Ebî Eyyûb-i Ensârî aleyhi’r-rahmetü’l-meliki’l-Bârî kazâsı tevâbi‘inden Kabadere? nâm karye sâkinlerinden Mustafa b. Abdullah nâm kimesne mahzarında bi’t-tav‘i’s-sâf ikrâr ve i‘tirâf [edip] karye-i mezbûre sâkinlerinden olup bundan akdem vefât edip zevce-i metrûkesi ve vârisesi ( ) bt. Abdullah nâm hâtundan gayrı vâris-i ma‘rûfu olmamağın muhallefâtının sülüs-i erbâ‘ı beytülmâl-ı mezbûra âid olan Şaban b. ( ) nâm müteveffânın karz-ı şer‘îden mezbûr Mustafa zimmetinde olan on sekiz sikke-i filorisi emânet-i mahkiyem hasebiyle mîrî için bi’t-tamâm ahz u kabz eyledim dedikde emîn-i mûmâ-ileyhin vech-i meşrûh üzre sudûr eden ikrârını mezbûr Mustafa vicâhen tasdîk ve şifâhen tahkīk eyledikde mâ vaka‘a gıbbe’t-taleb ketb olundu. Cerâ zâlike fî evâsıtı Safer sene sitte aşere ve elf. Şuhûdü’l-hâl: Mehmed Bey b. Abdullah el-Cündî, Ali Bey b. Abdullah el-Cündî, Pîrî b. Abdullah er-Râcil, Musli Çelebi Sarrâc-ı hâssa, Ahmed Bey b. Ali er-Râcil, Mustafa b. Mehmed ve gayruhüm