Galata Mahkemesi 32 Numaralı Sicil (H. 1015 - 1016 / M. 1606 - 1607) cilt: 36, sayfa: 161 Hüküm no: 190 Orijinal metin no: [46b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rahime bt. İbrahim lehine mehr-i müeccele hükm edildiği el-Hâc Hasan b. Mehmed ve Mehmed b. Abdullah nâm kimesneler, Galata hâricinde vâki‘ Müeyyedzâde mahallesinde vefât eden Ahmed Reis [b.] Mehmed’in sulbî sagīr oğlu Mehmed’in vasiyy-i muhtârı olan ve husûs-ı âti’l-beyânı inkâr eden el-Hâc Sefer b. Davud nâm hasm-ı câhid mahzarında, merhûm-ı mezbûrun zevcesi ve vârisi olan Rahime bt. İbrahim nâm hâtun kıbelinden âti’z-zikr mehr-i müeccelin isbâtına vekâleti nehc-i şer‘î üzre sâbit olan hâmil-i hâze’l-kitâb Abdülkādir b. Hacı’dan bi’l-vekâle sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki, merhûm-i mersûm hâl-i hayâtı ve kemâl-i akl ve sıhhatinde bizim yanımızda ve katımızda, üzerinde ve zimmetinde, zevcesi müvekkile-i mezbûrenin, nikâhı esnâsında ma‘kūd-i aleyh olan mehr-i müeccelden râyicü’l-vakt bin akçe-i Osmânî hakkı bulunduğunu ikrâr ve i‘tirâf etmişdi. Şehâdetleri ba‘de şerâiti’l-kabûl inde’ş-şer‘ mu‘teber ve makbûl oldukdan sonra ve zevce-i mezbûreye meblağ-ı mezbûru kısmen ya da tamâmen merhûmdan almadığına, bağışlamadığına, bi vechin mine’l-vücûh zimmetini ibrâ etmediğine dâir yemîn verilmesinin ardından hâkim şehâdetleri mûcebince hükm etti. Cerâ zâlike ve hurrire fî evâhiri Rebî‘ilevvel sene sitte aşere ve elf. Şuhûdü’l-hâl: es-Sâbikūn