Galata Mahkemesi 32 Numaralı Sicil (H. 1015 - 1016 / M. 1606 - 1607) cilt: 36, sayfa: 161 Hüküm no: 191 Orijinal metin no: [47a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Reis b. Mehmed’in Mekril asıllı câriyesini sözleşmeli olarak âzad ettiği el-Hâc Hasan b. Mehmed ve Mehmed b. Abdullah nâm kimesneler, mahmiye-i Galata hâricinde vâki‘ Müeyyedzâde mahallesinde vefât eden Ahmed Reis [b.] Mehmed’in Mehmed nâm sagīrinin vasiyy-i muhtârı olan ve âti’z-zikr mükâtebeyi vesâyeti hasebiyle inkâr eden el-Hâc Sefer b. Davud nâm hasm-ı câhid mahzarında, açık kaşlı, elâ gözlü, sarışın, orta boylu, Mekriliyyetü’l-asl hâmiletü hâze’l-kitâb Zemâne bt. Abdullah’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki, merhûm-ı mezbûr, hâl-i hayâtı ve kemâl-i akl ve sıhhatinde lehine şâhidlik yapılan ve yukarıda vasıfları sayılan câriye-i memlûkesi Zemâne’yi sagīr-i mezbûr oğluna zeyilde geçen târihden i‘tibâren yedi sene tamâmına kadar hizmet etmesi karşılığında kitâbete kesmişdi. O da mükâtebe-i mezkûreyi kabûl edip hizmet-i lâzımesini edâyı üzerine aldı. Hizmet-i mezkûreyi edâ ettiğinde sâir harâir-i mükellefât gibi hürre olacakdır. Şehâdetleri ba‘de şerâiti’l-kabûl inde’ş-şer‘ mu‘teber ve makbûl olmağın mûcebince hükm edildi. Cerâ zâlike fi’l-yevmi’l-hâmis ve’l-ışrîn min Rebî‘ilevvel sene sitte aşere ve elf. Şuhûdü’l-hâl: es-Sâbikūn