Galata Mahkemesi 32 Numaralı Sicil (H. 1015 - 1016 / M. 1606 - 1607) cilt: 36, sayfa: 198 Hüküm no: 250 Orijinal metin no: [61b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Canfedâ bt. Abdullah’ın muhallefâtından beytülmâle ait hissenin alınması Galata’da beytülmâl emîni olan fahrü’l-emâsil Mahmud Çavuş b. Ahmed mahfil-i kazâda Mustafa Ağa mahallesinde mukaddemâ vefât eden merhûme Canfedâ bt. Abdullah nâm hâtunun zevci işbu hâmilü’l-kitâb Mahmud Reis b. Mehmed mahzarında ikrâr edip müteveffât-ı mezbûrenin verâseti zevc-i mezbûra münhasır olup zevc-i mezbûr vâris ve min-lâ yüred aleyhi olmağın müteveffât-ı mezbûrenin cümle muhallefâtı dört bin üç yüz otuz akçe olup meblağ-ı merkūmdan beytülmâl hissesi iki bin yüz altmış altı buçuk akçe alınıp meblağ-ı merkūmu emânetim hasebiyle bi’t-tamâm ahz u kabz eyledim dedikde mukırr-ı mezbûrun ikrârını mukarrun leh bi’l-muvâcehe tasdîk eyledikde mâ vaka‘a gıbbe’t-taleb kayd olundu. Tahrîren fî evâsıtı Receb sene sitte aşere ve elf. Şuhûdü’l-hâl: Mehmed Bey b. Abdi, Mustafa Halîfe b. Abdülaziz, Ahmed Çavuş b. Hüsam Yevmü’l-cum‘a Yevmü’s-sebt 20 el-mübârek inşâ’allâhü sübhânehu ve ta‘âlâ