Galata Mahkemesi 37 Numaralı Sicil (H. 1022 - 1024 / M. 1613 - 1615) cilt: 37, sayfa: 72 Hüküm no: 52 Orijinal metin no: [20a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kerime bt. Mahmud Efendi’nin menzil hissesini kız kardeşi Fâtıma’ya satması Bâlâda mastûrü’l-ism olan müteveffâ-yı mezbûrun sulbiye kızı Kerime tarafından bâlâda mezkûr olan menzilden bir sehim hisse-i şâyi‘asını bey‘a ve semenini ahza vekîl olup, nehc-i şer‘î üzre vekâleti sâbite olan zevcleri fahrü’l-müderrisîni’l-kirâm Abdülbâkī Efendi b. Yahya meclis-i şer‘-i şerîfde, müteveffâ-yı mezbûrun diğer sulbiye kızı Fâtıma tarafından ikrâr-ı âti’z-zikri tasdîka vekîli olan zevcleri Ahmed Paşa mahzarında ikrâr edip, menzil-i mezbûr-ı mahdûddan müvekkileme intikāl eden bir sehim hisse-i şâyi‘amı, mezbûre Fâtıma’ya otuz üç bin nakid akçeye bey‘ edip kabz-ı semen eyledim dedikde, gıbbe’t-tasdîk mâ-vaka‘a bi’t-taleb kayd olundu. Şuhûdü’l-hâl: es-Sâbikūn.