Galata Mahkemesi 37 Numaralı Sicil (H. 1022 - 1024 / M. 1613 - 1615) cilt: 37, sayfa: 98 Hüküm no: 87 Orijinal metin no: [32b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Himmet b. Mehmed’in ödünçten dolayı müteveffâ Yusuf’un terekesinde alacağı olduğu Osman b. Ali ve Receb b. Mehmed nâm kimesneler meclis-i şer‘-i şerîfde hâzırân olup, mahmiye-i Galata’da sâkin iken bundan akdem vefât eden Yusuf nâm kimesnenin Mehmed ve Âişe nâm sagīreynine kıbel-i şer‘den mansûb vasî olduğu nehc-i şer‘î üzre sâbit olan Hızır b. Musa nâm hasm-ı câhid mahzarında, hâmil-i hâze’l-kitâb Himmet b. Mehmed’den sâdır olan da‘vâ-yı sahîha-i şer‘iyyede gıbbe’l-istişhâdi’ş-şer‘î şöyle şehâdet ettiler ki, müdde‘î-i mezbûrun, müteveffâ-i merkūmun zimmetinde müşterâ tuz bahâsından râyicü’l-vakt iki bin beş yüz akçe-i Osmânî hakkı vardır. Meblağ-ı mezbûru muhallefâtından taleb hakkı mevcuddur. Müdde‘î-i mezbûra, meblağ-ı merkūmu müteveffâdan hâl-i hayâtında kısmen veya tamâmen almadığına, bi vechin mine’l-vücûhi’ş-şer‘iyye zimmetini ibrâ etmediğine dâir yemîn verilmesinin ardından, şehâdetleri ba‘de’t-ta‘dîli’ş-şer‘î ve’t-tezkiyyeti’ş-şer‘iyye inde’ş-şer‘ makbûl ve mu‘teber olmağın mûcebince hükm edildi. Cerâ zâlike ve hurrire fî evâhiri Cumâdelâhire sene selâse ve ışrîn ve elf. Şuhûdü’l-hâl: El-Hâc Mustafa b. Mehmed, Ahmed b. Mehmed, diğer Mustafa b. Mehmed, Mehmed b. Abdullah, Himmet b. Abdullah