Galata Mahkemesi 37 Numaralı Sicil (H. 1022 - 1024 / M. 1613 - 1615) cilt: 37, sayfa: 123 Hüküm no: 124 Orijinal metin no: [42a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mahmud Çavuş b. Mehmed’in, Mustafa Çavuş Vakfı’ndan ödünç para alması Medîne-i Ebî Eyyûb el-Ensârî -aleyhi rahmetü’l-Bârî- mahallâtından Davud Ağa mahallesi sükkânından olan udûlden Davud b. Mehmed el-Müezzin ve Abdullah b. Maden nâm kimesneler, bundan akdem mahalle-i mezbûrede vefât eden merhûm Mahmud Çavuş b. Mehmed’in vasiyyetlerinin tenfîzine vasiyy-i muhtâr olan Hürrem Bey b. Hasan nâm hasm-ı câhid mahzarında meclis-i şer‘de hâzırân olup, medîne-i mezkûre mahallâtından Fethi Çelebi mahallesinde vâki‘ Mustafa Çavuş vakfı’na mütevellî olan fahrü’l-akrân Abdülkerim Bey b. Hasan kıbelinden vekâleti mahalle-i mezkûrede sâkin olan Hasan b. Mehmed ve Ahmed b. Hasan’ın şehâdetleri ile sâbit olan bâ‘isü hâze’l-kitâb Seyyid Mustafa b. Zeynelâbidin’den sâdır olan da‘vâ-yı sahîha-i şer‘iyyede gıbbe’l-istişhâdi’ş-şer‘î şöyle şehâdet ettiler ki, müteveffâ-yı mezbûrun zimmetinde vakf-ı mersûm malından lâzımü’l-edâ ve vâcibü’l-kazâ râyicü’l-vakt altı bin akçe vardır. Şehâdetleri ba‘de’t-ta‘dîli’ş-şer‘î ve’t-tezkiyyeti’ş-şer‘iyye inde’ş-şer‘ makbûl ve mu‘teber olmağın mûcebince hükm edildi. Cerâ zâlike ve hurrire fî evâili şehri Ramazâni’l-mübârek sene selâse ve ışrîn ve elf. Şuhûdü’l-hâl: Mustafa b. Hasan, Ahmed b. Mahmud, Maden b. Sinan, Mustafa b. Abdullah ve gayruhüm.