Galata Mahkemesi 37 Numaralı Sicil (H. 1022 - 1024 / M. 1613 - 1615) cilt: 37, sayfa: 149 Hüküm no: 159 Orijinal metin no: [55b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Dâye Hatun bt. Abdullah’ın ölen kocası Şaban Reis’den alacaklı olması Mahmiye-i Galata tevâbi‘inden kasaba-i Beşiktaş mahallâtından kutb-ı cennet-câh merhûm Yahya Efendi mahallesi sâkinlerinden olup, bundan akdem fevt olan merhûm Şaban Reis’in zevce-i metrûke[si] hâmil[et]ü’l-kitâb Dâye Hâtun bt. Abdullah meclis-i şer‘-i hatîr-i lâzımü’t-tevkīrde, müteveffâ-yı mezbûrun mevlâsı oğlu ve min ciheti’l-usûbeti’n-nesebiyye vârisi olan Mustafa b. Mustafa nâm sagīrin kıbel-i şer‘-i şerîfden mansûb vasîsi olan Cafer Bey b. Abdullah mahzarında üzerine takrîr-i da‘vâ edip, müteveffâ-yı mezbûr zevcim zimmetinde karz-ı şer‘îden altmış aded sikke-i hasene hakkım vardır, suâl olunup muhallefâtından alıverilmesini taleb eder dedikde, gıbbe’s-suâl ve’l-inkâr müdde‘iye-i mezbûreden sıdk-ı makāline beyyine taleb olundukda, udûlden Mehmed b. Ahmed ve Şaban b. Mehmed nâm kimesneler li ecli’ş-şehâde hâzırân olup edâ-i şehâdet-i şer‘iyye ettiklerinden sonra mezbûr zevcinin zimmetini ibrâ etmediğine mezbûre hâtuna yemîn teveccüh edicek, half billâh edince [56a] mâ-vaka‘a ketb olundu. Tahrîren fî evâsıtı Zilka‘deti’ş-şerîfe li sene 1023. Şuhûdü’l-hâl: Yusuf b. Abdullah ve Ali b. Abdullah ve Mustafa b. Abdullah.