Galata Mahkemesi 37 Numaralı Sicil (H. 1022 - 1024 / M. 1613 - 1615) cilt: 37, sayfa: 161 Hüküm no: 175 Orijinal metin no: [61b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kâmile Hatun bt. Abdullah’ın kocası Ahmed Çavuş b. Hüseyin’den intikal eden hissesini almak üzre Eyüp b. Yusuf’a vekalet verdiği Mahmiye-i Galata tevâbi‘inden Tophâne mahallâtından Cihangir mahallesi sâkinlerinden olup, bundan akdem fevt olan Ahmed Çavuş b. Hüseyin nâm kimesnenin zevce-i metrûkesi Kâmile Hâtun bt. Abdullah mahfil-i kazâda hâmilü’l-kitâb Eyüb b. Yusuf mahzarında ikrâr ve takrîr-i kelâm edip, müteveffâ-yı mezbûr Ahmed Çavuş merkūmdan irs-i şer‘le bana intikāl eden sümün hisse-i şer‘iyyemi ve iki bin akçe mehr-i müeccelimi muhallefâtından da‘vâ ve talebe ve kabz ve îsâle mezbûr Eyüb’ü vekîl ve nâib-i menâb nasb ve intisâb eyledim dedikde, merkūm Eyüb dahi vekâlet-i mezbûreyi kabûl ve hizmet-i lâzımesini edâya ta‘ahhüd ve iltizâm edicek, mâ-vaka‘a gıbbe’t-taleb sebt olundu. Tahrîren fî evâili şehri Zilhicce li sene selâse ve ışrîn ve elf. Şuhûdü’l-hâl: Fahrü’l-eimme Mevlânâ Ali Efendi b. Yusuf, Ahmed Bey b. Durmuş, Veli b. Yakub ve gayruhüm.