Galata Mahkemesi 37 Numaralı Sicil (H. 1022 - 1024 / M. 1613 - 1615) cilt: 37, sayfa: 175 Hüküm no: 195 Orijinal metin no: [68a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. El-Hâc Ali b. Hüseyin’in Kenan b. Abdullah’ta mudârebe malından alacağı olduğu Udûlden el-Hâc Nesimi b. Süleyman ve Hüseyin b. İlyas nâm kimesneler meclis-i şer‘-i şerîf ve mahfil-i dîn-i münîfde hâzırân olup, bundan akdem vefât eden mezbûr Kenan b. Abdullah er-Râcilin vasiyyetlerini tenfîze ve evlâd-ı sıgārının tesviye-i umûruna vasiyy-i muhtâr olan Ali Beşe b. Abdullah nâm husûs-i âti’z-zikri münkir olan hasm-ı câhid mahzarında, hâfızü hâze’l-kitâb el-Hâc Ali b. Hüseyin’den sâdır olan da‘vâ-yı sahîha-i şer‘iyyede gıbbe’l-istişhâdi’ş-şer‘î şöyle şehâdet ettiler ki, müdde‘î-i mezbûrun, müteveffâ-yı merkūmun zimmetinde mudârebe-i şer‘iyye malından râyicü’l-vakt dokuz bin beş yüz akçe hakkı vardır. Müdde‘î-i mezbûra, meblağ-ı merkūmu müteveffâ-yı merkūmdan aslen veya vekâleten kısmen veya tamâmen almadığına, hibe etmediğine, bi vechin mine’l-vücûh zimmetini ibrâ etmediğine dâir yemîn billâhi’l-azîm verilmesinden sonra, şehâdetleri ba‘de’t-ta‘dîli’ş-şer‘î ve’t-tezkiyyeti’ş-şer‘iyye inde’ş-şer‘ makbûl ve mu‘teber olmağın hâkim şehâdetleri mûcebince meblağ-ı mezbûrun müteveffâ-yı merkūmun muhallefâtından edâsına hükm etti. Cerâ zâlike ve hurrire fî evâsıtı Zilhicce sene selâse ve ışrîn ve elf. Şuhûdü’l-hâl: El-Hâc Mehmed b. Cafer, Mehmed b. Mehmed, el-Hâc Muharrem b. Habil Veli b. Kemal, Nebi b. İsmail ve gayruhüm.