Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 664 Hüküm no: 851 Orijinal metin no: [102a-6] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Beşe b. Abdullah’ın, kefaletten Fazlı Beşe’ye borcunu havale ettiği Esirci tâifesinden Ahmed Beşe b. Abdullah nâm kimesne meclis-i şer‘de işbu bâ‘isü’l-kitâb Fazlı Beşe b. Ahmed nâm kimesne mahzarında ikrâr ve takrîr-i kelâm edip mezbûr Fazlı Beşe’ye cihet-i kefâletden zimmetimde altmış beş esedî guruş deynim olup meblağ-ı mezbûrun on beş kıt‘a esedî guruşunu kendiye def‘ ve teslîm edip bâkī elli kıt‘a esedî guruşu işbu hâzır bi’l-meclis Ali Beşe b. Abdullah nâm kimesneden mezbûr Fazlullah Beşe’ye üçümüz bir mahalde iken havâle-i sahîha-i şer‘iyye ile havâle edip ol dahi kabûl eyledi dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’s-sâmin aşer min Şa‘bâni’l-mu‘azzam li sene seb‘a ve seb‘în ve elf. Şuhûdü’l-hâl: Mehmed Bey b. Mehmed, Şaban Bey Ser-muhzırân, Şükrullah [b.] Mustafa, Hüseyin b. Abdullah.