Galata Mahkemesi 46 Numaralı Sicil (H. 1024 - 1029 / M. 1615 - 1620) cilt: 38, sayfa: 71 Hüküm no: 47 Orijinal metin no: [19a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim Reis b. Mustafa’nın vârislerinden amcasının oğlu Himmet b. Resul’ün kendisine düşen payı alarak mirastan çekildiği Mahmiye-i Galata hâricinde Firûz Ağa mahallesinde vefât eden merhûm İbrahim Reis b. Mustafa’nın verâseti li ebeveyn kız karındaşı Âişe Hâtun ve zevce-i metrûkesi Ümmühâni Hâtun bt. İsa’ya ve ammisi oğlu Himmet b. Resul nâm kimesneye münhasıra olduğu sâbit ve mukarrer oldukdan sonra mezbûr Himmet mahfil-i şer‘-i şerîfde mezbûretân Âişe ve Ümmühâni muvâcehelerinde ikrâr ve takrîr-i kelâm edip vârisi olduğum müteveffâ-yı mezbûr İbrahim Reis’den bana irs-i şer‘le intikāl eden hisse-i şer‘iyyem için alâ tarîki’t-tehârüc mezbûretânın yedlerinden bin iki yüz akçe alıp kabz eyledim, min ba‘d müteveffâ-yı mezbûrun terekesine müte‘allik mezbûretân da‘vâ ve nizâ‘ım yokdur dedikde mukırr-ı mezbûru ikrâr-ı meşrûhunda mezbûretân Âişe ve Ümmühâni bi’l-muvâcehe tasdîk eylediklerinden sonra mâ hüve’l-vâki‘ bi’t-taleb sebt olundu. Hurrire fî evâhiri Rebî‘ilevvel li sene sitte ve ışrîn ve elf Şuhûdü’l-hâl: Abdullah Efendi b. Durak, Musa Efendi b. Mehmed, el-Hâc Mehmed b. Abdullah, Hüsam Reis b. Hasan ve gayruhüm Sah