Galata Mahkemesi 46 Numaralı Sicil (H. 1024 - 1029 / M. 1615 - 1620) cilt: 38, sayfa: 75 Hüküm no: 49 Orijinal metin no: [21a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim Çelebi b. Bekir Kaptan’ın Rus asıllı kölesi Yavan b. Vasil’i azadı Mahmiye-i Galata’da Okçu Musa mahallesinde sâkin İbrahim Çelebi b. Bekir Kapudân meclis-i şer‘-i hatîr-i lâzımü’t-tevkīrde işbu orta boylu sarışın lisânında lükneti olup Rûsiyyü’l-asl Yuvan b. Vasil nâm nasrânî muvâcehesinde ikrâr ve i‘tirâf edip evsâf-ı mezkûre ile ittisâfı olan kulum mezbûr Yuvan’ı hasbeten lillâhi’l-azîm mâlımdan âzâd ve mülkümden ihrâc eyledim, ba‘de’l-yevm sâir ahrâr gibi hür olsun dedikde mâ hüve’l-vâki‘ ba‘de’t-taleb sebt ve terkīm ve yed-i tâlibe vaz‘ ve teslîm olundu. Hurrire fi’l-yevmi’t-tâsi‘ min şehri Rebî‘ilâhir li sene sitte ve ışrîn ve elf. Şuhûdü’l-hâl: Derviş Mehmed b. Mehmed, Mustafa b. Mehmed, Keyvan b. Abdullah, İbrahim el-Muhzır, Şeyhi Çelebi b. Mustafa el-Kâtib