Galata Mahkemesi 46 Numaralı Sicil (H. 1024 - 1029 / M. 1615 - 1620) cilt: 38, sayfa: 82 Hüküm no: 57 Orijinal metin no: [23b-1 Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sirkeci mahallesi müezzini el-Hâc Mehmed b. Cafer’in Hasan b. Musli’ye vasî tayin edildiği Hasan b. Musli Reis nâm sagīre bundan akdem vefât eden baba bir karındaşı Pîr Mehmed nâm sagīrden intikāl eden emvâlin muhâfazası için kıbel-i şer‘den mansûb vasî olan fahrü’l-cüyûş Mustafa Çavuş b. Mehmed meclis-i şer‘-i şerîfe hâzır olup Hicaz’a sefer eyleyeceği ve vesâyet hizmetinden âciz olacağı cihetle vesâyet-i mezbûreden kendi ihtiyârıyla fâriğ olduğunda hâkim-i muvakki‘ a‘lâ hâze’l-kitâb, Galata kazâsı tevâbi‘inden Kasımpaşa kasabasında vâki‘ Sirkeci mahallesi müezzini el-Hâc Mehmed b. Cafer’i sagīr-i mezbûr Hasan’a zabt-ı ahvâli ve hıfz-ı emvâli için ihtiyâcına binâ’en vasî nasb etti. El-Hâc Mehmed de vesâyet-i merkūmeyi kabûl edip hizmet-i lâzımesini edâyı müte‘ahhid oldu. İşbu nasb, udûl-i Müslimîn ve sikāt-ı muvahhidînin ihbârlarıyla vasiyy-i mezkûrun diyânet ve emânetinin ma‘lûm olmasından sonra vâki‘ oldu. Sonra mezbûr Mustafa Çavuş, sagīr-i mezbûrun karındaşından kendisine intikāl eden mâlından elinde bulunan on iki bin üç yüz yetmiş dört akçeyi vasiyy-i merkūma teslîm etti. O da yedinden bi’t-tamâm teslîm aldı. Cerâ zâlike ve hurrire fi’l-yevmi’l-hâmis ve’l-ışrîn min Cumâdelûlâ Şuhûdü’l-hâl: Abdullah Çelebi b. Mustafa, Zihni Efendi el-Mülâzım, Hasan Reis b. Sefer, Hızır Beşe b. Veli?