Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 667 Hüküm no: 856 Orijinal metin no: [102b-5, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sâliha bt. Mahmud’un muhâlaa yoluyla boşandığı Medîne-i mahmiye-i Kostantıniyye mahallâtından Hatice Sultan mahallesinde sâkine olan Sâliha bt. Mahmud nâm hâtun meclis-i şer‘-i şerîf ve mahfil-i dîn-i münîfe -el-masûn ani’t-tağyîr ve’t-tahrîf- hâzıre olup Hasan Beşe b. Mahmud zevc-i dâhilün-bihâsı ile hul‘ eyledi. Zevc-i mezbûru da nikâhında ma‘kūdun-aleyh olan râyicü’l-vakt dört bin akçe mehr-i müecceli, beynlerinde ma‘lûm olan nafaka-i iddeti ve me’ûnet-i süknâsı zevcesi üzerine olmak üzre anınla muhâla‘a eyledi. Mezbûre Sâliha bu sûretle yeni bir akd-i nikâh yapılmadan ve yeni bir mehir ödenmeden zevc-i mezbûruna helâl olmayacak şekilde andan ayrılmış oldu. Sonra her biri diğerinin zimmetini zevciyyete müte‘allik cemî‘ de‘âvîden ibrâ-i âmm-ı kātı‘ ile ibrâ eyledi. Cerâ zâlike ve hurrire fi’l-yevmi’s-sâlis aşere min Şa‘bâni’l-mu‘azzam sene seb‘a ve seb‘în ve elf. Şuhûdü’l-hâl: Yusuf b. Hasan, Mahmud b. Abdullah, Mahmud Çelebi b. Abdurrahman, Hasan Çelebi b. Ahmed el-Müezzin, İbrahim Çelebi b. Abbas.