Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 668 Hüküm no: 857 Orijinal metin no: [102b-6] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Âişe bt. Ahmed’in vakıftan aldığı borcuna karşılık rehin verdiği evini borcunu ödeyerek geri aldığı Mahmiye-i İstanbul’da merhûm İbrahim Paşa sarayı’nda vâki‘ iç oğlanlarına merhûm Mustafa Efendi’nin vakf eylediği nukūdun mütevellîsi olan Hasan Bey b. Nurullah nâm bevvâb-ı sultânî meclis-i şer‘-i şerîf-i lâzımü’t-teşrîfde mahmiye-i mezbûrede Tahtaminâre mahallesi sâkinelerinden Âişe bt. Ahmed nâm hâtun tarafından husûs-ı âti’l-beyâna vekîl olup hasm-ı şer‘î-i câhid mahzarında bimâ hüve nehcü’s-sübût şer‘an vekâleti sâbite olan Abdurrahman Efendi b. Osman Efendi mahzarında ikrâr ve takrîr-i kelâm edip müvekkile-i mezbûre Âişe Hâtun târih-i kitâbdan dört sene mukaddem mâl-ı vakf-ı mezbûrdan yedimden iki yüz esedî guruş ahz u kabz edip mahalle-i mezbûrda [98a] vâki‘ inde’l-ahâlî ve’l-cîrân ma‘lûmü’l-hudûd mülk menzilini meblağ-ı mezbûr mukābelesinde rehn vaz‘ eylemişidi hâlâ meblağ-ı mezbûr iki yüz esedî guruşu dört senede müctemi‘ olan ribh-i ma‘lûmu vekîl-i mezbûr Abdurrahman Efendi yedinden tamâmen ahz u kabz edip menzil-i mezbûru fekk-i rehn eyledim min ba‘d müvekkile-i mezbûre Âişe Hâtun zimmetinde meblağ-ı mezbûr iki yüz esedî guruşdan ve ribhden bir akçe ve bir habbe bâkī kalmadı dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’s-sâmin min Şa‘bâni’l-mu‘azzam li sene seb‘a ve seb‘în ve elf. Şuhûdü’l-hâl: Mehmed Bey b. Ahmed Ser-oda, es-Seyyid Mehmed Ağa b. ( ) el-Cündî, Musli Bey Helvacı, Ebûbekir Çelebi el-Müezzin, Mehmed b. Mustafa.