Galata Mahkemesi 46 Numaralı Sicil (H. 1024 - 1029 / M. 1615 - 1620) cilt: 38, sayfa: 135 Hüküm no: 126 Orijinal metin no: [48a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Piyâle Kaptan b. Abdülmennân’ın çocuklarına anneanneleri Âişe Hâtun bt. Ali’nin vasî tayin edilmesi Mahmiye-i Galata tevâbi‘inden Kasımpaşa’[da] Yeldeğirmeni mahallesinde sâkin olup Karadeniz’de şehîden vefât eden merhûm Piyâle Kapudân b. Abdülmennân’ın sulbî sagīr oğlu Mehmed ile bint-i sulbiyesi İsmihan nâm sagīre babası merhûm-ı mezbûrdan kendilere intikāl eden emvâlini zabt ve ahvâlini hıfz için bir vasî nasbı lâ-büd ve lâzım ve emr-i mühim olup ve işbu râfi‘atü’l-kitâb sagīrân-ı mezbûrânın min cânibi’l-üm ceddesi olan Âişe Hâtun bt. Ali her vechile vesâyete ehil olup ve ehil olduğunu cemm-i gafîr dahi haber vermeğin cânib-i şer‘den vasî nasb olunup ba‘de kabûlihâ bu hurûf ketb olundu. Hurrire fî evâili Şa‘bân sene 1026. Şuhûdü’l-hâl: Ali Ağa b. Abdullah, Mustafa Bey [b.] Ferhad, Şuayb Çelebi b. İbrahim, el-Hâc Mehmed b. Cafer, Mustafa el-Muhzır ve gayruhüm