Galata Mahkemesi 46 Numaralı Sicil (H. 1024 - 1029 / M. 1615 - 1620) cilt: 38, sayfa: 135 Hüküm no: 127 Orijinal metin no: [48b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nasuh Beşe b. Abdullah’ın vârisi olmadığı için muhallefâtının beytülmâle ait olduğu Defter oldur ki mahmiye-i Galata’da Azebkapısı kurbunda el-Hâc A‘mâ mahallesinde sâkin iken bin yirmi altı senesi Cumâdelâhiresi’nin evâhirinde vefât eden merhûm Nasuh Beşe b. Abdullah nâm râcilîn zâhirde verâseti şer‘an sâbit olmuş vârisi olmamağla muhallefâtından vücûh-ı hayrâta vasiyyet eylediği sülüsden mâ‘adâsı cânib-i beytülmâle âid olmağla müteveffâ-yı mezbûrun muhallefâtı târih-i mezbûrda füruht olunup lâkin mahalle-i mezbûrede vâki‘ menzili üç ay mezâd olunup sonra satılmağla işbu defter te’hîr olunup âti’l-beyân olan târihde tahrîr olunmuşdur. Vaka‘a’t-tahrîr fi’l-yevmi’l-hâdî aşer min Ramazâni’l-mübârek li sene sitte ve ışrîn ve elf Müsta‘mel yorgan, 1 Kıymet 400 Çuka-i mîrî, 1 Kıymet 300 Leğen-i kebîr, 1 Kıymet 200 Sepet sandık, 1 Kıymet 110 Destâr-ı cedîd, 3 Kıymet 900 Sagīr sandık, 1 Kıymet 40 Sofra-i münakkaş, 2 Kıymet 200 Sahan, 4 Kıymet 110 Köhne kuşak, 1 Kıymet 100 Kırmızı çuka-i kürdî Kıymet 500 Kaliçe-i köhne, 1 Kıymet 300 Kilim-i müsta‘mel, 1 Kıymet 110 Tencere, 1 Kıymet 52 Yorgan-ı köhne, 1 Kıymet 150 Hâne der mahalle-i mezbûre Kıymet 46.000 Ve merhûm-ı mezbûrun kendiden mukaddem vefât eden zevcesinden kendiye intikāl eden esâs-ı beytden hissesi Meblağ 8.400 Meblağ-ı mezbûrun üç bin dört yüz yirmi iki akçesini hâl-i hayâtında alıp bâkī dört bin dokuz yüz yetmiş sekiz akçesi emîn-i beytülmâle teslîm olunmuşdur. Cem‘an yekûn 54.400 Elli dört bin dört yüz akçedir Minhe’l-ihrâcât Dellâliyye 1.000 Deyn-i müsbet …? 1.000 Deyn-i müsbet Cafer Beşe 3.000 Deyn-i müsbet Hasan Beşe 3.000 Deyn-i müsbet el-Hâc Behram el-Cerrâh 2.000 Deyn-i müsbet Çavuş Mehmed 1.000 Deyn-i müsbet Nisâ Hâtun 1.200 Resm-i kısmet be Kazasker 1.300 İhzâriyye ve hüddâmiyye ve harc-ı hücec ve defter 700 Harc-ı hüddâmiyye li emîni beytülmâl 300 Sahhe’l-bâkī 39.900 Minhâ vasiyyet bi vücûhi’l-hayrât Meblağ 13.300 Hisse-i beytülmâl Meblağ 26.600 Meblağ-ı mezbûr beytülmâl emîni Mehmed Ağa’ya teslîm olunmuşdur.