Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 670 Hüküm no: 860 Orijinal metin no: [103a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. es-Seyyid İbrahim b. es-Seyyid Mehmed’in, Mehmed’de Borlu bogasi bahasından alacaklı olduğu Mahmiye-i İstanbul’da Sepetçiler hanı’nda sâkin olup tüccâr tâifesinden işbu bâ‘isü’l-kitâb es-Seyyid İbrahim b. es-Seyyid Mehmed nâm kimesne mahzarında üzerine da‘vâ ve takrîr-i kelâm edip mezbûr Mehmed zimmetinde yedinden müşterâ ve makbûz her biri altmış beşer akçeye olmak üzre elli sekiz aded Borlu bogasi[si] semeninden üç bin yedi yüz yetmiş akçe hakkım vardır hâlâ taleb ederim suâl olsun dedikde gıbbe’s-suâl mezbûr Mehmed cevâbında fi’l-vâki‘ müdde‘î-i mezbûra her biri altmış beşer akçeye olmak üzre elli sekiz aded Borlu bogasi[si] semeninden üç bin yedi yüz yetmiş akçe zimmetimde lâzımü’l-edâ ve vâcibü’l-kazâ deynim vardır deyû bi tav‘ihî ikrâr ve i‘tirâf etmeğin ikrârı mûcebince meblağ-ı mezbûr üç bin yedi yüz yetmiş akçeyi müdde‘î-i mezbûra edâ ve teslîme merkūm Mehmed’e tenbîh birle mâ vaka‘a bi’t-taleb ketb olundu. Fi’l-yevmi’l-âşir min Ramazâni’l-mübârek li sene seb‘a ve seb‘a ve elf. Şuhûdü’l-hâl: Veli b. Mahmud, Mehmed b. Ramazan, Hüseyin b. Ebûbekir, Hasan b. Ahmed, İbrahim b. Ahmed.