Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 671 Hüküm no: 862 Orijinal metin no: [103a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kiko v. Milo’nun, Atanaş v. Merfoz’a açtığı tarla davasından vazgeçtiği Vilâyet-i Rumeli’nde Opar kazâsına tâbi‘ Turlic? nâm karye ahâlîsinden Kiko v. Milo nâm zimmî meclis-i şer‘-i şerîf-i Ahmedî ve mahfil-i dîn-i münîf-i Muhammedî’de Atanaş v. Merfoz nâm zimmî muvâcehesinde ikrâr ve takrîr-i kelâm edip karye-i mezbûrda vâki‘ iki tarafdan kaya ve bir tarafdan Mehmed Beşe nâm kimesne ve bir tarafdan Mustafa nâm kimesne tarlalarıyla mahdûd merkūm Atanaş’ın taht-ı tasarrufunda olup ba‘dehû bana intikāl-i âdî ile intikāl eyledi deyû mezbûr Atanaş’dan da‘vâ ve taleb etmişdim, hâlâ zikr olunan tarla mezbûr Atanaş’ın tasarrufunda olduğu ma‘lûmum olup da‘vâ-yı mezbûrdan ferâgat edip min ba‘d zikr olunan tarlada benim alâka ve medhalim yokdur dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’l-âşir min Ramazâni’l-mübârek li sene seb‘a ve seb‘în ve elf. Şuhûdü’l-hâl: Hüseyin Beşe b. İbrahim, Mehmed Beşe b. Abdullah, Mehmed Beşe b. Mustafa, Hüseyin Beşe b. Ebûbekir, Ali b. Abdi, Ali b. ( ).