Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 671 Hüküm no: 863 Orijinal metin no: [103a-6] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. el-Hâc Mehmed b. Nasuh’un, Hasan b. Kandil’den esvap bahasından alacaklı olduğu Mahmiye-i İstanbul’da Macuncu Kasım mahallesinde sâkin el-Hâc Mehmed b. Nasuh nâm kimesne meclis-i şer‘-i hatîr-i lâzımü’t-tevkīrde Hasan b. Kandil nâm kimesne mahzarında üzerine da‘vâ ve takrîr-i kelâm edip merkūm Hasan zimmetinde yedimden müşterâ ve makbûz beynimizde ilm-i şer‘î ile ma‘lûm esvâb semeninden ba‘de külli hesâb yüz altmış üç esedî guruş hakkım vardır taleb ederim suâl olunsun dedikde gıbbe’s-suâl mezkûr Hasan cevâbında fi’l-hakīka müdde‘î-i merkūm Hacı Mehmed’e vech-i meşrûh üzre ba‘de külli hesâb yüz altmış üç esedî guruş zimmetimde lâzımü’l-edâ ve vâcibü’l-kazâ deynim vardır deyû bi tav‘ihî ikrâr ve i‘tirâf etmeğin mûcebince meblağ-ı mezbûru müdde‘î-i merkūma edâ ve teslîm merkūm Hasan’a tenbîh olunup mâ vaka‘a bi’t-taleb ketb olundu. Fi’l-yevmi’l-hâdî aşer min şehri Ramazâni’l-mübârek li sene seb‘a ve seb‘în ve elf. Şuhûdü’l-hâl: Mehmed b. Abdullah, İsmail b. Mustafa, Hasan Beşe, Ramazan b. Ali.