Galata Mahkemesi 65 Numaralı Sicil (H. 1051 - 1053 / M. 1641 - 1644) cilt: 39, sayfa: 68 Hüküm no: 35 Orijinal metin no: [12a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ümmühâni bt. Ahmed’in kölesi Yusuf b. Abdullah’ı sözleşmeli olarak azat etmesi Mahmiye-i Galata müzâfâtından olup kasaba-i Tophâne mahallâtından Ebülfazl mahallesi sâkinelerinden Ümmühâni bt. Ahmed nâm hâtun meclis-i şer‘-i hatîr-i lâzimü’t-tevkīrde işbu râfi‘ü’l-kitâb uzun boylu açık kaşlı sarı elâ gözlü Rûsiyyü’l-asl Yusuf b. Abdullah mahzarında ikrâr ve takrîr-i kelâm edip mezbûr Yusuf abd-i memlûküm olmağla bundan akdem on altı bin fıddî râyic fi’l-vakt akçe üzerine kitâbete kesmiş idim hâlâ bedel-i kitâbet olan meblağ-ı mezbûr on altı bin akçe[yi] bana tamâmen edâ ve teslîm etmekle uhdesinde utekā üzerinde mevlâ için olan hakk-ı velâdan gayrı hakkım kalmayıp sâir ahrâr-ı asliyyîn gibi hür olsun deyû bi tav‘ihâ i‘tirâf eylediğinde mezbûr Yusuf dahi mukırra-i merkūmenin ikrâr-ı meşrûhunda vicâhen tasdîk edicek, mâ vaka‘a bi’t-taleb ketb olundu. Hurrire fi’l-yevmi’s-salis ve’l-ışrîn min şehri’l-merkūm li seneti’l-mersûme. Şuhûdü’l-hâl: El-Mezbûrûn.