Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 673 Hüküm no: 866 Orijinal metin no: [103b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen İsmihan bt. Mehmed’in terekesinin vârisler arasında paylaşıldığı Mahmiye-i İstanbul’da Fîruz Ağa mahallesinde sâkine iken bundan akdem vefât eden İsmihan bt. Mehmed nâm hâtunun verâseti zevc-i metrûkü Hasan b. Abdullah ve vâlidesi Fâtıma bt. Ebûbekir ve li ebeveyn er karındaşı Ahmed’e ve li ebeveyn kız karındaşı Sâliha’ya münhasıra ve tashîh-i mes’eleleri on sekiz sehimden olup sihâm-ı mezbûreden dokuz sehmi zevci merkūm Hasan’a ve üç sehmi vâlidesi mezbûre Fâtıma’ya ve dört sehmi karındaşı mezbûr Ahmed’e ve iki sehmi kız karındaşı mezbûre Sâliha’ya münhasıra olduğu şer‘an zâhir ve müte‘ayyin oldukdan sonra mezbûre Sâliha asâleten ve mezbûr Ahmed dahi kendi tarafından asâleten ve mezbûre Fâtıma tarafından husûs-ı âti’l-beyâna sâbitü’l-vekâle vekîl olmağla vekâleten meclis-i şer‘-i şerîfde müteveffât-ı mezbûrenin terekesine vâzı‘ü’l-yed olan işbu bâ‘isü’l-kitâb mezbûr Hasan mahzarında her biri asâleten ve vekâleten ikrâr ve takrîr-i kelâm edip mezbûr Hasan ile şirâya ve sıhhat-i sulhü hâvî mevâni‘-i müfsideden ârî bi tarîki’t-tehârüci’ş-şer‘î altı yüz akçe üzerine sulh olup bedel-i sulh-i mezbûru tamâmen yedinden ahz u kabz edip tereke-i müteveffât-ı mezbûreye müte‘allika da‘vâdan her biriniz asâleten ve vekâleten mezbûr Hasan’ın zimmetini ibrâ-i âm ile ibrâ eyledik dediklerinde ba‘de’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’l-hâdî aşer min şehri Ramazâni’l-mübârek li sene seb‘a ve seb‘în ve elf. Şuhûdü’l-hâl: Mellâh? Ferruh b. Mehmed, Mehmed Çelebi b. Abdullah, Mustafa Çelebi b. ( ) el-Müezzin, el-Hâc Mehmed b. Ali, Mustafa b. Ahmed.