Galata Mahkemesi 65 Numaralı Sicil (H. 1051 - 1053 / M. 1641 - 1644) cilt: 39, sayfa: 69 Hüküm no: 37 Orijinal metin no: [12a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ümmühâni bt. Ahmed’in, kardeşi Halil’e vasî olan Mustafa Çelebi b. Mehmed’e nezaret etmesi Mahalle-i mezbûre sâkinlerinden Halil b. Mehmed nâm sagīrin tesviye-i umûru için kıbel-i şer‘den mansûb vasiyy-i şer‘îsi karındaşı Mustafa Çelebi b. Mehmed nâm vasînin üzerine hasbî nâzıra olan Ümmühâni Hâtun bt. Ahmed meclis-i şer‘de merkūm Mustafa üzerine takrîr-i kelâm edip sagīr-i mezbûrun Yusuf b. Abdullah nâm gulâm bahâsından seksen yedi buçuk guruş-ı kebîr ve yine sagīr-i mezbûrun babası merkūm Mehmed’den intikāl eden kırk aded guruş-ı kebîr ki cem‘an yüz yirmi yedi buçuk guruş-ı kebîr vasiyy-i mezbûr Mustafa zimmetinde olup beher sene on’un on bir akçe hesâbı üzere i‘mâl ve istirbâh eder, nezâretim hasebiyle suâl olunmak matlûbumdur dedikde gıbbe’s-suâl merkūm Mustafa minvâl-i muharrer üzere ikrâr edip kayd şüd. Hurrire fi’l-yevmi’l-hâmis [12b] ve’l-ışrîn min Cumâdelâhire li sene ihdâ ve hamsîn ve elf. Şuhûdü’l-hâl: El-Mezbûrûn.