Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 677 Hüküm no: 870 Orijinal metin no: [104a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Âişe Hatun bt. Ali’nin vakfına Musli Çelebi b. Hacı Receb’in mütevelli tayin edildiği Dârü’l-hilâfeti’l-aliyye Kostantıniyye el-mahmiyye’de Mi‘mâr Şuca‘ mahallesinde sâkine iken bundan akdem vefât eden merhûme Âişe Hâtun bt. Ali nâm sâhibetü’l-hayrın vakfı olan nukūdun mütevellîsi olmamağla taraf-ı şer‘den bir mütevellî nasb ve ta‘yîn olunmak lâzım olmağın tevliyyet-i mezbûreye ehil ve müstakīm olduğu zeyl-i rakīmde muharrerü’l-esâmî olan müslimîn ihbârları ile müte‘ayyin olan râfi‘ü’l-kitâb Musli Çelebi b. Hacı Receb nâm kimesne taraf-ı şer‘-i mübînden vakf-ı mezbûra mütevellî nasb ve ta‘yîn olunup ol dahi tevliyyet-i mezbûreyi kabûl ve merâsimini edâya ta‘ahhüd etmeğin mâ vaka‘a bi’t-taleb ketb olundu. Fi’l-yevmi’l-hâdî aşer min şehri Ramazâni’l-mübârek li sene seb‘a ve seb‘în ve elf. Şuhûdü’l-hâl: Ahmed Çelebi b. Receb, Halil b. Hamza, Derviş Hüseyin b. Osman, Mehmed b. Ramazan, Yusuf b. Abdullah, Derviş Mehmed b. Osman.