Galata Mahkemesi 65 Numaralı Sicil (H. 1051 - 1053 / M. 1641 - 1644) cilt: 39, sayfa: 143 Hüküm no: 105 Orijinal metin no: [33a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Halil Beşe’nin sağlığında Mekril asıllı kölesini azat ettiği Udûlden Ahmed b. Hasan ve Mustafa b. Ali nâm kimesneler meclis-i şer‘-i şerîf ve mahfil-i dîn-i münîf el-masûn ani’t-tağyîr ve’t-tahrîfe hâzırân olup, mahmiye-i Galata mahallâtından Alaca Mescid mahallesinde sâkin iken bundan akdem vefât eden Halil Beşe’nin Rukiye nâm sagīre kızına vasiyy-i muhtâr olan Osman Çelebi b. Derviş ve müteveffâ-yı mezbûrun annesi Âişe Hâtun bt. Musa nâm âti’z-zikr âzâd ikrârını inkâr eden hasmeyn-i câhideyn mahzarında, orta boylu, açık kaşlı, elâ gözlü, sağ omuzunda eser-i cerh bulunan Mekriliyyü’l-asl hâmilü hâze’l-kitâb Dilâver b. Abdullah’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki müteveffâ-yı mezbûr hâl-i hayâtı ve zamân-ı nefâz-ı tasarrufâtında kendisine rıkkını mu‘terif olan müdde‘î-i mezbûr abd-i memlûki Dilâver’i âzâd etti. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmağın mûcebince hükm edildi. Abd-i mezbûr bu sûretle sâir ahrâr-ı asliyyîn-i mükellefîn gibi hür oldu. Mevâlînin utekā üzerinde şer‘an sâhib oldukları hakk-ı velâdan gayrı üzerinde kimesnenin bir hakkı kalmadı. Cerâ zâlike ve hurrire fi’l-yevmi’s-sânî min Muharremi’l-harâm sene isneyn ve hamsîn ve elf. Şuhûdü’l-hâl: Şahin Beşe b. Ali, Ali Reis b. Ömer, Haydar Ağa b. Abdullah, el-Hâc Yunus b. el-Hâc Ali, Mahmud b. İlyas, el-Hâc Mehmed b. Ömer, Ahmed b. Ali ve Hasan b. Mehmed.