Galata Mahkemesi 65 Numaralı Sicil (H. 1051 - 1053 / M. 1641 - 1644) cilt: 39, sayfa: 218 Hüküm no: 180 Orijinal metin no: [53b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Çelebi adlı yetim çocuğa nafaka takdir edildiği Hâkim, mahmiye-i Galata tevâbi‘inden Beşiktaş mahallâtından Sinan Paşa mahallesinde sâkin iken bundan akdem vefât eden Hasan Bey b. Abdülmennân’ın Mehmed Çelebi nâm sagīr oğlunun nafakası, kisvesi ve sâir havâic-i zarûriyyesi için, himâye ve terbiyesi altında bulunduğu hâmil-i hâze’l-kitâb fahrü’l-akrân İbrahim Ağa b. Mustafa nâm vasiyy-i muhtârın talebi ile müteveffâ-yı mezbûr babasından irs-i şer‘le kendisine intikāl eden mallardan alınmak üzere zeyl-i kitâbda mezkûr târihden i‘tibâren yevmî râyicü’l-vakt yirmi akçe farz ve takdîr etti ve mezbûr İbrahim Ağa’ya meblağ-ı mefrûz-ı mezkûru sagīr-i merkūmun havâicine sarf etmeye ve vakt-i hâcetde istidâne edip lede’z-zafer rücû‘ etmeye izin verdi. Cerâ zâlike ve hurrire fi’l-yevmi’s-sâbi‘ min Cumâdelâhire sene 1052. Şuhûdü’l-hâl: El-Hâc Murad b. Abdullah, Hüseyin b. Abdullah, Mehmed Çelebi b. Ramazan, Ramazan Efendi b. Mustafa, Abdülkerim Efendi