Galata Mahkemesi 65 Numaralı Sicil (H. 1051 - 1053 / M. 1641 - 1644) cilt: 39, sayfa: 218 Hüküm no: 181 Orijinal metin no: [53b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Havva adlı çocuğa nafaka takdir edildiği Mahmiye-i Galata tevâbi‘inden Yenihisar kasabası mahallâtından Başmakçı mahallesinde sâkin iken bundan akdem fevt olan İlyas b. Ahmed’in Havva nâm sagīre kızının nafakası, kisvesi ve sâir havâic-i zarûriyyesi için, himâye ve terbiyesi altında bulunduğu hâmiletü hâze’l-kitâb Rahime bt. Abdullah nâm annesinin talebiyle müteveffâ-yı mezbûr babasından irs-i şer‘le kendisine intikāl eden mallardan alınmak üzere zeyl-i kitâbda mezkûr târihden i‘tibâren yevmî râyicü’l-vakt beş akçe farz ve takdîr etti. Hâkim-i mûmâ-ileyh, meblağ-ı mefrûzun sagīr-i merkūmun havâic-i lâzımesine sarfına ve vakt-i hâcetde istidâne edip lede’z-zafer rücû‘una mezbûre Rahime’ye izin verdi. Cerâ zâlike ve hurrire fi’l-yevmi’s-sânî aşer min Cumâdelûlâ sene 1052. Şuhûdü’l-hâl: Bayram Bey b. Ali, Mustafa Ağa b. Abdullah, Ali b. Abdullah, Mustafa b. Hamza, Mehmed Çelebi b. Ramazan ve gayruhüm