Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 688 Hüküm no: 887 Orijinal metin no: [106a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Süleyman Ağa b. Oruç’un, Hasan b. Kandil’den köle ve beygir bahasından alacaklı olduğu Dergâh-ı âlî -dâme mahfûfen bi’l-me‘âlî- cebecileri çorbacılarından Süleyman Ağa b. Oruc meclis-i şer‘-i şerîf-i lâzımü’t-teşrîfde Hasan b. Kandil nâm kimesne mahzarında üzerine da‘vâ ve takrîr-i kelâm edip merkūm Hasan zimmetinde yedimden müşterâ ve makbûz evsâfı beynimizde ma‘lûm Kenan b. Abdullah nâm gulâm semeninden seksen esedî guruş ve bir re’s siyah iğdiç bârgir bahâsından dahi kırk esedî guruş ki cem‘an yüz yirmi esedî guruşunu merkūm Hasan yedinden ahz u kabz edip doksan beş esedî guruş zimmetinde kalmışidi hâlâ taleb ederim suâl olunsun dedikde gıbbe’s-suâl merkūm Hasan cevâbında fi’l-vâki‘ müdde‘î-i merkūma vech-i muharrer üzre bâkī zimmetimde doksan beş esedî guruş lâzımü’l-edâ ve vâcibü’l-kazâ deynim vardır deyû bi tav‘ihî ikrâr etmeğin mûcebince meblağ-ı mezbûr doksan beş esedî guruşu müdde‘î-i merkūma edâya merkūm Hasan’a tenbîh birle mâ vaka‘a bi’t-taleb ketb olundu. Fi’l-yevmi’s-sâdis aşer min şehri Ramazâni’l-mübârek li sene seb‘a ve seb‘în ve elf. Şuhûdü’l-hâl: Gazanfer Bey b. Tevekkül, Hasan Çelebi b. Ahmed, İbrahim Çelebi b. Ahmed, Resul b. Rıdvan.