Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 53 Hüküm no: 6 Orijinal metin no: [1b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mizistre sakinlerinden Kosta’nın meyhaneci Yorgi’nin varisi olduğuna dair iddiasını ispatlayamaması Vilâyet-i Rumeli’nde Mizistre kazâsı sükkânından Kosta nâm zimmî mahfil-i mahmiye-i Galata’da bi’l-fi‘l voyvoda ve beytülmâl-i emîn olan umdetü’l-a‘yân Siyavuş Ağa b. Abdülmennân mahzarında bast-ı merâm edip mahmiye-i Galata dâhilinde meyhâneci tâifesinden iken bunda akdem hâlik olan Yorgi nâm zimmî hâlik oldukda zâhirde vârisi olmamak zu‘muyla mecmû‘ muhallefâtını ağa-yı müşârün-ileyh kabz edip hâlâ ben hâlik-i mezbûrun babası ve usûbet-i sebebiyye cihetinden hasren vârisi olup cümle muhallefâtı irsen bana intikāl etmekle oğlum hâlik-i merkūmun muhallefâtını ağa-yı mûmâ-ileyhden taleb etmek üzre bi’l-fi‘l Mizistre kadısı Ahmed Efendi imzâsıyla kitâb-ı naklî getirip ağa-yı mezbûrun muvâcehesinde feth ve kırâat olundukda bi hasebi’ş-şer‘ mazmûnunu isbâta kādir olmadım dedikde mâ vaka‘a bi’t-taleb ketb olundu. Fi’l-yevmi’l-hâmis aşer min Recebi’l-mürecceb li sene selâse ve seb‘în ve elf Şuhûdü’l-hâl: Mehmed Beşe b. Mustafa, Mustafa b. Receb, Mehmed Beşe b. Receb, Mehmed Yazıcı ve gayruhüm