Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 53 Hüküm no: 7 Orijinal metin no: [1b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nikola v. Kostantin’in kızı Maryora’yı Yanaki v. Panayot’a nikahlaması Mahmiye-i Galata mahallâtından Sultan Bayezid mahallesinde sâkine Maryora nâm nasrâniyenin babası ve velîsi Nikola v. Kostantin nâm zimmî meclis-i şer‘-i hatîr-i lâzımü’t-tevkīrde işbu bâ‘isü’s-sifr Yanaki v. Panayot nâm zimmî muvâcehesinde ikrâr ve takrîr-i kelâm edip kızım mezbûre Maryora’yı ceyyid ve cedîd on iki bin akçe mehr-i müeccel üzerine mezbûr Yanaki’ye tezvîc ve tenkîh edip ol dahi vech-i muharrer üzre tezevvüc ve kabûl etmeğin mâ vaka‘a bi’t-taleb ketb olundu. Fi’l-yevmi’t-tâsi‘ aşer min Recebi’l-ferd ve sene selâse ve seb‘în ve elf Şuhûdü’l-hâl: Mustafa Efendi b. Musli el-İmâm, Mehmed Çelebi b. Rıdvan el-Müezzin, el-Hâc Mehmed b. Yusuf el-Yesârî, Mustafa Çelebi b. Ahmed er-Râcil, el-Hâc Musa b. Mustafa