Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 62 Hüküm no: 21 Orijinal metin no: [3a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kerime bt. Abdurrahman’ın muhâlaa yoluyla eşi Abdülâl b. Mehmed’den boşanması Mahmiye-i Galata’da Alaca Mescid mahallesinde sâkine Kerime bt. Abdurrahman nâm hâtun meclis-i şer‘de işbu râfi‘ü’l-kitâb el-Hâc Abdülâl b. Mehmed nâm kimesne mahzarında ikrâr ve takrîr-i kelâm edip mezbûrun zimmetinde mütekarrir olan beş yüz akçe mehr-i müeccelimden ve nafaka-i iddetimden ve me’ûnet-i süknâmdan fâriğa olmak üzre mezbûr el-Hâc Abdülâl ile muhâla‘a-i sahîha-i şer‘iyye ile muhâla‘a edip ol dahi hul‘-ı merkūmu kabûl eyledikden zevciyyete müte‘allika âmme-i da‘vâdan mezbûr el-Hâc Abdülâl’in zimmetini ibrâ ve iskāt eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu Fi’l-yevmi’r-râbi‘ ve’l-ışrîn min Recebi’l-ferd li sene selâse ve seb‘în ve elf Şuhûdü’l-hâl: Musa b. Receb, Mustafa b. Receb, Mehmed b. Abdi, Zülfikār b. İbrahim ve gayruhüm