Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 65 Hüküm no: 26 Orijinal metin no: [3b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İsteryo v. Yorgi’nin sermaye olmak için Dimo v. Yani’den aldığı parayı ödemesi Mahmiye-i Galata müzâfâtından kasaba-i Tophâne’de Çavuşbaşı iskelesi kurbunda kasab tâifesinden râfi‘u hâze’l-kitâb Dimo v. Yani nâm zimmî mahfil-i kazâda mahmiye-i merkūme dâhilinde İsteryo v. Yorgi nâm zimmî muvâcehesinde üzerine da‘vâ ve takrîr-i kelâm edip sermâye etmek için bundan akdem mezbûr İsteryo’ya on iki bin akçe ikrâz ve teslîm ol dahi iktirâz ve tesellüm etmekle hâlâ meblağ-ı mezbûru merkūmdan taleb ederim suâl olunup alıverilmesi matlûbumdur dedikde gıbbe’s-suâl mezbûr İsteryo cevâbında müdde‘î-i mezbûrun yedinden ancak on bin akçe iktirâz ve kabz eyledim deyû ziyâde iki bin akçeyi münkir olucak müdde‘î-i mezbûrdan ziyâde-i merkūmeyi mübeyyine beyyine taleb olundukda ityân-ı beyyine için mehl-i şer‘î ile imhâl olundukdan sonra ikrârı mertebesi olan on bin akçeyi müdde‘î-i merkūma edâ ve teslîme mezbûr İsteryo’ya tenbîh birle mâ vaka‘a bi’t-taleb ketb olundu Fi’l-yevmi’l-hâmis ve’l-ışrîn min Recebi’l-ferd li sene selâse ve seb‘în ve elf Şuhûdü’l-hâl: Ahmed Yazıcı b. Mehmed, Hüseyin Abdullah, Muharrem Receb, Emrullah Mehmed, Âbid Mustafa ve gayruhüm.