Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 70 Hüküm no: 34 Orijinal metin no: [4b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Meyhaneci Dimitri ile Kostantin arasındaki alacak davasında sulh olduğu Hâric-i Galata’da Beyoğlu nâm mahalde vâki‘ meyhâneci tâifesinden Dimitri v. Nikola nâm zimmî mahfil-i kazâda bâ‘isü hâze’l-kitâb Kostantin v. Yani nâm zimmî muvâcehesinde ikrâr ve takrîr-i kelâm edip mezbûr Kostantin zimmetinde cihet-i karzdan elli üç kıt‘a esedî guruş hakkım olup bundan akdem meblağ-ı mezbûru mezbûr Kostantin’den taleb [ve] da‘vâ etmekle beynimizde münâza‘ât-ı kesîre ve muhâsamât-ı ekîde vâkı‘a olmuşidi el-hâletü hâzihî beynimizde muslihûn tavassut edip meblağ-ı mezbûrdan beni iki bin akçeye sulh eylediklerinde ben dahi sulh-i mezbûru kabûl ve bedel olan meblağ-ı mezbûr iki bin akçeyi mezbûr Kostantin yedinden bi’t-tamâm ve’l-kemâl ahz ü kabz edip mâ‘adâdan mezbûrun zimmetini ibrâ ve iskāt eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’l-hâdî aşer min Recebi’l-ferd li sene selâse ve seb‘în ve elf Şuhûdü’l-hâl: Ahmed Çavuş b. Süleyman, Mehmed Beşe b. Mustafa Çukadâr, Ahmed Yazıcı b. Mehmed, Mustafa Çelebi b. Receb, Muharrem b. Receb, Âbid b. Mustafa, Emrullah b. Mehmed