Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 70 Hüküm no: 35 Orijinal metin no: [4b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sultan Bayezid mahallesinden Hayısı ve Musa yahudinin ortak kullandıkları duvarın tamirinde anlaşmaları Mahrûsa-i Galata mahallâtından Sultan Bayezid mahallesi sâkinlerinden Hayısı v. Todori nâm zimmî ile Musa v. Harun nâm yahudi mahfil-i kazâda her biri bast-ı merâm ve takrîr-i kelâm edip merkūm Musa ile mahalle-i mezbûrede vâki‘ sâkin olduğumuz menzillerin beyninde olan duvar ba‘de’l-yevm harâb olup yine ta‘mîr ve termîm iştirâk-i seviy üzre kendi malımdan harc [ve] sarf etmeğe birbirimiz ile kavl ve ittifâk eylediğimizde gıbbe’t-tesâduki’ş-şer‘î mâ hüve’l-vâki‘ bi’t-taleb ketb ve terkīm olundu. Tahrîren fi’l-yevmi’s-sâdis aşer min Recebi’l-ferd li sene selâse ve seb‘în ve elf. Şuhûdü’l-hâl: Muharrem b. Receb, Musa b. İbrahim, Hüseyin b. Abdullah, Ahmed Yazıcı b. Mehmed.