Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 73 Hüküm no: 40 Orijinal metin no: [5a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Dilâver bt. Abdullah’ın eşi Bedreddin Çelebi’den muhâlaa yoluyla boşanması Mahmiye-i Galata mahallâtından Alaca Mescid mahallesinde sâkine Dilâver bt. Abdullah nâm hâtun meclis-i şer‘-i hatîr-i lâzımü’t-tevkīrde tarafından hul‘-ı câ’i’z-zikri ikrâra vekîl olup mezbûreyi ma‘rifet-i şer‘ ile ârifân olan Hüseyin b. Halil ve Yusuf b. Mustafa nâm kimesneler şehâdetleri ile şer‘an vekâleti sâbite olan Mehmed Çelebi b. Ömer nâm kimesne meclis-i şer‘-i hatîr-i lâzımü’t-tevkīrde işbu râfi‘ü’l-kitâb es-Seyyid Bedreddin Çelebi b. Hasan nâm kimesne mahzarında bi’l-vekâle ikrâr ve takrîr-i kelâm edip müvekkile-i mezbûre Dilâver Hâtun mezbûr es-Seyyid Bedreddin Çelebi’nin zevcesi olup beynlerinde hüsn-i zindegâneleri olmamağla mezbûr zimmetinde mütekarrir ve ma‘kūdun aleyh olan iki bin akçe mehr-i müeccelini ve nafaka-i iddet-i mu‘ayyene-i ma‘lûme ve me’ûnet-i süknâsından fâriğa olmak üzre mezbûr es-Seyyid Bedreddin Çelebi bi’l-muhâla‘a-i sahîha-i şer‘iyye ile muhâla‘a edip ol dahi vech-i mübeyyen üzre hul‘-ı mezbûru kabûl eyledikden sonra zevciyyete müte‘allika âmme-i de‘âvî ve mütâlebâtdan ve eymân ve muhâsamâtdan zimmetini ibrâ-i âmme-i kātı‘ü’n-nizâ‘la ibrâ ve iskāt eyledim dedikde gıbbe’t-tasdîk mâ vaka‘a. Fî 3 Şa‘bân sene 1073 Şuhûdü’l-hâl: İbrahim Efendi b. Receb, usta Piyâle b. Abdullah, Mehmed Çelebi b. Receb, Hasan Yazıcı b. Hüseyin, Ahmed Efendi b. Ali, Mustafa Çelebi b. Receb.