Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 77 Hüküm no: 43 Orijinal metin no: [6a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ekmekçi Parsuk’un Arakil v. Murad’da olan alacağını tahsil edip murabahasından vazgeçtiği Mahmiye-i Galata müzâfâtından kasaba-i Beşiktaş’da habbâz tâifesinden Parsuk v. Şadik nâm Ermeni meclis-i şer‘-i hatîr-i lâzımü’t-tevkīrde işbu râfi‘ü’s-sifr Arakil v. Murat nâm Ermeni mahzarında ikrâr-ı tâm ve takrîr-i kelâm edip bundan [akdem] gāib ani’l-meclis Gaspar v. Kırşe nâm Ermeni yediyle mezbûr Arakil’e iki bin akçe murâbaha vermek üzre dokuz bin akçe ikrâz ve teslîm ol dahi ber vech-i muharrer iktirâz ve tesellüm eylemişidi el-hâletü hâzihî meblağ-ı mezbûr dokuz bin akçeyi mezbûr Arakil yedinden bi’t-tamâm ve’l-kemâl ahz ü kabz edip murâbaha bedeli olan meblağ-ı mezbûr iki bin akçeden şer‘î olmamağla merkūm Arakil’in zimmetini ibrâ-i âmm-ı kātı‘ü’n-nizâ‘la ibrâ ve iskāt eyledim min ba‘d meblağ-ı mezbûr dokuz bin akçeden zimmetinde bir akçe ve bir habbe hakkım bâkī kalmadı dedikde gıbbe’t-tasdîk mâ vaka‘a. Fî 4 Şa‘bân min târihi’l-mezbûr Şuhûdü’l-hâl: Süleyman Efendi b. Bâli, Osman b. Mehmed, Mehmed Çelebi b. ( ), Mustafa Çelebi b. Receb, Âbid b. Mustafa, Siyavuş b. Abdullah