Galata Mahkemesi 90 Numaralı Sicil (H. 1073 - 1074 / M. 1663) cilt: 40, sayfa: 77 Hüküm no: 44 Orijinal metin no: [6a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbadullah mahallesindeki Seyyid Ali Çelebi’nin yaptırdığı mescide Ahmed Efendi’nin imam atandığı Mahrûsa-i Galata’ya tâbi‘ kasaba-i Kasımpaşa mahallâtından İbadullah mahallesi ahâlîsinden Şeyh Ahmed Efendi b. Mustafa ve es-Seyyid Mustafa Çelebi b. Mehmed ve Ahmed Emin Efendi b. İlyas ve Mustafa b. Abdullah ve Nasuh Beşe b. Abdi ve Musa b. el-Hâc Mehmed nâm kimesneler meclis-i şer‘-i hatîr-i lâzımü’t-tevkīrde sâhibü hâze’l-kitâb Ahmed Efendi b. Ali nâm kimesne mahzarında tahrîr-i bast-ı merâm ve takrîr-i kelâm edip mahalle-i merkūmede vâki‘ merhûm Seyyid Ali Çelebi nâm sâhibü’l-hayrın binâ eylediği mescid-i şerîfde imâm olan Ali Halîfe nâm kimesne âhar diyâra nakl etmekle yeri hâlî ve hizmet-i merkūme mu‘attal kalmağla mezbûr Ahmed Efendi sâlih ve mütedeyyin ve ehl-i kırâat olup hizmet-i mezbûrenin uhdesinden gelmeğe kādir kimesne olmağla mezbûru taraf-ı şer‘den mescid-i mezbûre imâm nasb olunması cümlemizin matlûbumuzdur dediklerinde, hâkimi muvakki‘-i kitâb tûbâ leh ve hüsnü-me’âb hazretleri dahi yevmî dört akçe vazîfe-i mu‘ayyenesi ile mezbûr Ahmed Efendi’yi mescid-i mezbûrda imâm nasb ve ta‘yîn etmeğin mâ vaka‘a bi’t-taleb ketb olundu. Hurrire fî gurreti Şa‘bâni’l-mu‘azzam li sene selâse ve seb‘în ve elf Şuhûdü’l-hâl: Cafer Efendi b. ( ), Ahmed Efendi b. Ali, Mehmed Beşe b. Mustafa Çukadâr, Mustafa Çelebi b. Osman, Mustafa b. Receb, Hüseyin b. Mirza , Ahmed Yazıcı b. Mehmed